‘U spudàle

visto che si parla tanto delle attese in ospedale sentiamo cosa ci dice al riguardo il nostro amico Michele Frattulino



“ Mamme e kkè delòre de panze,
nn’u riésce a suppurtà!
Kiàme ‘a makene, ambulanze,
kùrre, famme akkumbagnà!

- Nèh Franğì, tine paciénze,
nfàce ninde kè stàje rùsce,
te si’ sbufaràte assàje,
spècialmènde ‘i peperùsce!

“ Fa arruà sùbbete ajùte,
vogghie jì ‘o pronde sokkorse! “
- Statte kalme, ‘a si, ‘mo véne,
nde si’ akkorte d’a seréne?

Si’ arruàte ormàje ‘o spudàle,
finalmènde puje trasì:
“ kkè succisse? È assàje ‘u delòre?
- Probbie sott’a panze, qqui! “

È soltande ndiğğèstiòne!
‘Mo te skrìve ‘i medecìne,
bbaste sòle ‘sta serìnghe,
p’u kondrolle kràje e mmatìne.

Te fàje sùbbete kurağğe;
è resolte ‘stu probbléme:
“ere mègghie kè nvenéve!
Agghia esse probbie scéme! “

Tanda ğğènde nda kursìje,
stéve avèramènde màle,
besugnòse de n’aiùte e
p’u delòre lukkulàve.

Dòpe quìlle k’è succisse,
pùre assì nen stàke bbune,
nen m’abbìje pìkke e penninde,
sckìtte p’u delòre ‘e dinde.